Жаңалықтар | Новости

9 адам қаза тапты – Татарстан президенті мектептегі атыс туралы

Татарстан астанасындағы мектепте болған атыстан қаза тапқандар саны тоғызға жетті, – деп хабарлайды Tengrinews.kz тілшісі РИА Новости порталына сілтеме жасап.

Татарстан президенті Рустам Минниханов тоғыз адам қаза тапқанын мәлімдеді.

“Біз жеті баладан айырылдық, сегізінші сынып оқушылары: төрт ұл мен үш қыз. Сонымен қатар, бір мұғалім мен әйел қызметкерден айырылдық”, – деді мемлекет басшысы.

Миннихановтың айтуынша, 18 оқушы балалар клиникалық ауруханасында жатыр.

“Өкінішке қарай, оқтан жараланғандар да, сүйегі сынғандар да бар. Дәрігерлер балаларымыздың өмірін сақтау үшін барлығын жасап жатыр. Екі ересек жетінші ауруханада, ал біреуі республикалық клиникалық ауруханада жатыр. Оларға да оқ тиген” – деді республика басшысы.

Бұған дейін ресми түрде жеті адам қайтыс болғаны хабарланған еді.

Комментарий