Жаңалықтар | Новости

12 жасқа дейінгі балаларға маска тағуды міндеттеу – ДДҰ пікір білдірді

Дүниежүзілік денсаулық сақтау ұйымының сайтында ДДҰ мен ЮНИСЕФ балаларға маска тағуды міндеттеу туралы мәселеге пікір білдірді, – деп хабарлайды Tengrinews.kz тілшісі.

ДДҰ мен ЮНИСЕФ 12 және одан үлкен жастағы балаларға ересектермен бірдей жағдайларда, әсіресе инфекция жаппай тарайтын аумақтарда баланың айналасындағылардан кемінде бір метр қашықта болуын қамтамасыз ету мүмкін болмаған кезде маска тағуды ұсынады.

Ұйымдағы сарапшылардың айтуынша, 6-11 жас аралығындағы балалардың маска тағу қажеттігі туралы шешім баланың тұрғылықты жерінде инфекцияның қалай тарап жатқанын және баланың масканы қауіпсіз және дұрыс қолдана алатынын ескере отырып қабылдануы керек.

Сондай-ақ, маскалардың қолжетімділігі және оларды қандай да бір жағдайларда (мысалы, мектепте немесе балалар мекемелерінде) жуу және ауыстыру мүмкіндігі ескерілуі қажет дейді мамандар.

Комментарий