Жаңалықтар | Новости

Пандемияға байланысты қазақстандық мектептер жұмыс режимін өзгертеді

Енді оқушылардан COVID-19 анықталса, сыныпты толығымен карантинге жібереді. Ал мектептер штаттық режимге көшкен күннің өзінде әр ата-ана баласын қашықтан оқытуға құқылы. Денсаулық сақтау министрлігі жаңа оқу жылына қатысты бірнеше санитарлық талап қойды, – деп хабарлайды КТК телеарнасы.

Санитарлық ережеге сәйкес, 2021 жылдың қаңтарына дейін мектептерде ауқымды іс-шаралар ұйымдастырып, спорттық додалар өткізуге тыйым салынған. Егер сырқаттардың қатары тұрақты түрде кеми берсе, оқу аралас форматқа ұласады.

“Бір онлайн сабақтың ұзақтығы әр сынып үшін әртүрлі. Мектепалды және 1-сынып оқушыларына 15 минуттан аспауы тиіс. 2-3-сыныптарда 20 минуттан, 4-5-сыныптарда 25 минут көлемінде болуы керек. 9-11 сыныпта 30 минуттан аспауы міндетті.

Жасы 65-тен асқан және қауіп тобындағы педагогтарға оқушыларды оффлайн қалыпта оқытуға құқығы жоқ. Ата-аналар санитарлық талаптарға қатысты толық мәліметпен Денсаулық сақтау министрлігінің ресми сайтынан таныса алады”, – деп келтіреді телеарна министрліктің талаптарын.

Комментарий