Саясат | Политика

Президенттікке үміткер Әміржан Қосанов Конституция талаптарына сай – ҚР ОСК

Қазақстан Республикасының Орталық сайлау комиссиясы Президенттікке үміткер Әміржан Қосановтың Конституция талаптарына сай екенін мәлімдеді. Бұл туралы ОСК-нің баспасөз қызметі хабарлады. 

2019 жылғы 30 сәуірде Қазақстан Республикасы Орталық сайлау комиссиясының отырысы өткізілді, оған саяси партиялар мен бірқатар мемлекеттік органдардың өкілдері қатысты. Отырыста келесі мәселелер қаралды:

1. Қазақстан Республикасының Президенттігіне кандидат Әміржан Сағидрахманұлы Қосановтың ҚР Конституциясының және «Қазақстан Республикасындағы сайлау туралы» Конституциялық заңының талаптарына сәйкестігін анықтау туралы.

Қаулының жобасымен Орталық сайлау комиссиясының мүшесі Ихданов Ақылбек Жәмелұлы таныстырды.

2019 жылғы 27 сәуірде «Қазақстан Республикасындағы сайлау туралы» Қазақстан Республикасы Конституциялық заңының 54-бабының 2 тармағына және 55-бабына сәйкес «Ұлт тағдыры» бірлескен ұлттық-патриоттық қозғалысы» қоғамдық бірлестігі Әміржан Сағидрахманұлы Қосановтың Қазақстан Республикасының Президенттігіне кандидат ретінде ұсынуына байланысты оның тиісті құжаттары Қазақстан Республикасы Орталық сайлау комиссиясына тапсырылды:

1. «Ұлт тағдыры» бірлескен ұлттық-патриоттық қозғалысы» қоғамдық бірлестігі жоғарғы органы отырысының Әміржан Сағидрахманұлы Қосановты Қазақстан Республикасының Президенттігіне кандидат ретінде ұсыну туралы хаттамасынан үзінді көшірме;

2. Қазақстан Республикасы Орталық сайлау комиссиясының шотына сайлау жарнасын енгізгенін куәландыратын құжат;

3. Әміржан Сағидрахманұлы Қосановтың өмірбаяндық деректері, жеке басын куәландыратын құжатының, жоғары оқу орнындағы білімі туралы дипломының көшірмелері, мемлекеттік қызметте немесе мемлекеттік сайланбалы лауазымдардағы жұмыс тәжірибесі туралы мәліметтер қоса берілген, оның Қазақстан Республикасының Президенттігіне кандидат ретінде дауыс беруге түсуге келісім бергені туралы өтініші.

Қазақстан Республикасының Президенттігіне кандидат Әміржан Сағидрахманұлы Қосановтың ҚР Конституциясында және «Қазақстан Республикасындағы сайлау туралы» ҚР Конституциялық заңында белгіленген талаптарға сәйкестігін тексеруде жәрдемдесуі үшін уәкілетті мемлекеттік органдарға сұрау салынып тиісті мәліметтер алынды.

2019 жылғы 29 сәуірде Қазақстан Республикасы Орталық сайлау комиссиясында Әміржан Сағидрахманұлы Қосановтың мемлекеттік тілді еркін меңгергендігінін анықтау жөніндегі лингвистикалық комиссияның отырысы болып өтті.

Өткізілген емтиханның нәтижелері бойынша лингвистикалық комиссия Қазақстан Республикасының Президенттігіне кандидат Әміржан Сағидрахманұлы Қосановтың мемлекеттік тілді еркін меңгергендігі жөнінде шешім қабылдады (отырыстың а.ж. 29 сәуірдегі № 8 хаттамасы).

Орталық сайлау комиссиясы Әміржан Сағидрахманұлы Қосановтың:

1) Ішкі істер министрлігінің Көші-қон қызметі комитетінің мәліметтері негізінде тумысынан Республика азаматы болып табылатындығын, соңғы он бес жыл ішінде Қазақстанда тұратындығын;

2) жоғары білімі бар екенін;

3) Бас прокуратураның Құқықтық статистика және арнайы есепке алу жөнiндегi комитетiнің мәліметтері негізінде:

– соттылығының жоқтығын;

– сот сыбайлас жемқорлық қылмыс және сыбайлас жемқорлық құқық бұзушылық жасағаны үшін жауапқа тартпағанын;

– белсенді сайлау құқығына ие екендігін;

4) Мемлекеттік қызмет істері және сыбайлас жемқорлыққа қарсы іс-қимыл агенттігінің мәліметтері негізінде мемлекеттік қызметте, сондай-ақ сайланбалы мемлекеттік лауазымдарда кемінде 5 жыл жұмыс тәжірибесі бар екендігін анықтады.

Осы қаулының 1-тармағында Қазақстан Республикасының Президенттігіне кандидат Әміржан Сағидрахманұлы Қосанов өзіне Қазақстан Республикасының Конституциясында және «Қазақстан Республикасындағы сайлау туралы» Қазақстан Республикасының Конституциялық заңында қойылған талаптарға сәйкес келетіні белгіленді.

Қаулының 2-тармағында облыстардың, республикалық маңызы бар қалалардың, Қазақстан Республикасы астанасының сайлау комиссияларына Қазақстан Республикасының Президенттігіне кандидатты қолдау үшін қол жинауға қол қою парақтарын Әміржан Сағидрахманұлы Қосановқа беру тапсырылды.

Қол жинауды Президенттікке кандидаттың сенім білдірген адамдары жүзеге асыратынын және ол қол қою парақтарымен ресімделетінін атап өту қажет.

Сенім білдірілген адамдардың тіркеуді аумақтық сайлау комиссиясы Қазақстан Республикасы Орталық сайлау комиссиясы қаулысымен бекітілген Нұсқаулығының негізінде жүзеге асырады.

Комментарий