Қоғам | Общество

Алматылықтар ХҚО-ның бірыңғай терезесінен 5 мыңнан астам дайын құжатын алған

Алматылықтар карантин басталғалы бері ХҚО-ның бірыңғай терезесінен 5 мыңнан астам дайын құжатын алып кеткен, Бұл құжаттардың басым бөлігі карантин барысында онлайн рәсімделген, қалған бөлігі – ХҚО жабылғанға дейін.
Естеріңізге салайық, 26 наурыздан бастап барлық халыққа қызмет көрсету орталықтарының жұмысы тоқтатылған болатын. «Азаматтарға арналған үкімет» мемлекеттік корпорациясы қазақстандықтар үшін бұдан бұрын өтініш берілген, сондай-ақ электронды форматта тапсырыс берілген қызметтер бойынша дайын құжаттарды алып кетуге болатын бірыңғай терезені іске қосты. Алматы қаласында Жандосов көшесі, 51 мекенжайында орналасқан Әуезов аудандық ХҚО белгіленген болатын.

Бірыңғай терезеде берілген құжаттардың дені – АХАТ құжаттары, жүргізуші куәліктері, көліктің техникалық паспорты мен тіркеу нөмірлері, жылжымайтын мүлік пен жер учаскелерінің құжаттары, сондай-ақ жеке куәлік пен паспорт.
Дайын құжаттарды беру терезесінің жұмыс кестесі: дүйсенбі-жұма 9.00-ден 17.00-ге дейін. Сенбі – сағат 9.00-14.00 аралығы.
Республика бойынша ХҚО-ның бірыңғай терезесінен 76 мыңнан астам дайын құжатын алып кеткен.

Комментарий