Шоу бизнес

“Дос-Мұқасан” ансамблінің бір мүшесі дүниеден өтті

“Дос-Мұқасан” ансамблінің мүшесі, топтың негізін салушылардың бірі Хамит Санбаев көз жұмды. Бұл ақпаратыансамбльдің арт директоры Данияр Құсайынов хабарлады.

“Хамит Санбаев ұзаққа созылған аурудан кеше 78 жасқа қараған шағында дүниеден өтті. Ол кісі ансамблдің құрылуына үлкен үлес қосты, сырқатына қарамастан барлық мерейтойға қатысып жүрді”,- деді Құсайынов.

Хамит Санбаев Алматы қаласында тұрған. Алайда елдегі төтенше жағдайға және қалада карантин режимі енгізілуіне байланысты әртісті соңғы сапарға шығарып салу рәсіміне марқұмның жақындары ғана қатысады.

“Қазір бізге министрлік, әкімдіктен хабарласып, шығарып салу рәсіміне көп адам болып жиналмауымызды сұрап жатыр. Біз карантин режимі аяқталған соң, молда шақырып, құран бағыштаймыз деп отырмыз. Мүмкін қырық күндік асын береміз”, – деді топтың мүшесі әрі арт директоры Данияр Құсайынов.

“Дос-Мұқасан” тобы1967 жылы құрылған. Ансамбльдің негізін Досым Сүлеев, Мұрат Құсайынов, Хамит Санбаев, Александр Литвинов қалаған.

Хамит Санбаев 1967-1972 жылдары топтың құрамында өнер көрсеткен, саксафон тартқан.

Комментарий