Қоғам | Общество

Ішкі істер министрлігінің қызметкері коронавирус жұқтырған

Ішкі істер министрлігінің бір қызметкері коронавирус жұқтырған, деп хабарлайды Ішкі істер министрінің орынбасары Юрий Ильин.

«Бізде бір қызметкер індетті жұқтыруына байланысты қазіргі кезде ем-дом қабылдап жатыр. Оның денсаулық жағдайы тұрақты», – деді Ильин Орталық коммуникациялар қызметінде.

Бұдан бөлек ол инфекциямен ауырғандармен қарым-қатыныста болған 530 адам анықталғанын жеткізді. Олардың біразы өздерінің кәсіби қызметін атқаруын барысында карантиндік шаралармен қамтылды. Министрдің орынбасары 30-ға жуық қызметкердің стационарлық емдеуге жіберілгенін айтты.

«80-ге тарта адам үй жағдайындағы карантинде. Бүгінде көбісі жұмысқа шығып, қызметін жалғастыруда. Ішкі істер министрлігі қызметкерлерінің өміріне індет салдарынан қауіп төнуі жағдайы болмады», – деді Ильин.

Комментарий