Құқық | Право

Қызылордада сотталғандар бетперде тігіп жатыр

Әлемді дүр сілкіндірген індетке байланысты сотталған азаматтар да бетперде тігіп қол ұшын созып жатыр. Қызылорда қаласындағы ЗК-169/5 мекемесінің аумағындағы «Тігін цехында» тігін тігумен айналысатын сотталғандар қолдан бетперде тігуді қолға алды.

Ағымдағы жылдың наурыз айының 20-нан бастап, ЗК-169/5 мекемесінде жазасын өтеуші сотталғандар көпреттік пайдаланылатын медициналық бетперделерді (стандартқа сәйкес, сәйкестік сертификаты 19.03.2020 жылғы № KZ.3510317.05.01.30268) тігуін бастады. Бүгінгі күнге барлығы 7450 дана бетперде тігілді. Тігіліп жатқан бетперделер ҚАЖ мекемелерінің қажеттілігін (сотталғандар мен қызметкерлерге) толықтай қамтамасыз етеді. Қазіргі таңда Қызылорда облысы Полиция департаментіне 5000 дана бетперде беріліп, барлығы 30000 данаға тапсырыстар қабылданды. Алдағы уақытта басқа да мекемелерге (ТЖД, ҰҰ, МКБ және т.б.) тапсырыстардың қабылдануы көзделуде.

Қызылорда облысы бойынша ҚАЖД

Комментарий