Қоғам | Общество

Қазақстанда В корпусының мемлекеттік қызметшілері үшін бос жұмыс орындарына мораторий енгізу жоспарлануда

«Ашық НҚА» сайтында мемлекет басшысының «Қазақстан Республикасының мемлекеттік органдары жүйесін одан әрі оңтайландыру жөніндегі шаралар туралы» жарлығы жобасы орналастырылды, деп хабарлайды Zanmedia.kz  Stan.kz ақпарат агенттігіне сілтеме жасап.

“Жаңадан құрылған немесе қайта құрылған мемлекеттік органдарды, сондай-ақ осы Жарлықтың қосымшасында көрсетілген мемлекеттік органдарды қоспағанда, «Б» корпусының бос әкімшілік мемлекеттік лауазымдарына орналасуға жалпы конкурстарды жариялауға 2021 жылғы 1 қаңтарға дейін мораторий енгізілсін”, – делінген құжатта.

Сондай-ақ, жарлықта бұйрықтың қосымшасында көрсетілген мемлекеттік органдарды қоспағанда, мемлекеттік бюджет қаражаты есебінен қамтамасыз етілетін мемлекеттік қызметшілердің штат санын 5 пайызға қысқарту қарастырылған.

Штаттық қысқартуға жатпайтын мемлекеттік органдардың тізіміне Адам құқықтары жөніндегі ұлттық орталық, ауылдар мен ауылдық округтер әкімдерінің аппараттары, Жоғарғы Сот кеңесі, Қорғаныс министрлігі, Конституциялық Кеңес, Парламент палаталары, Президент Әкімшілігі, Президент ісін басқару, Премьер-Министр Кеңсесі, Тұңғыш Президент Кеңсесі , Тұңғыш Президенттің Мұрағаты, Орталық сайлау комиссиясы кірді.

Құжат 2020 жылдың 27 қаңтарына дейін қоғамдық талқылауда.

Жарлық жобасы Қазақстан Республикасының Президенті Қасым-Жомарт Тоқаевтың мемлекеттік қызметшілерді 2020 жылы 5 пайызға қысқарту туралы бұйрығына сәйкес әзірленді, сонымен қатар 2020 жылдан бастап 2023 жылға дейін кезең-кезеңімен қысқарту жоспары республикадағы мемлекеттік қызметшілер мен квазимемлекеттік сектор жұмыскерлерінің 25 пайызына қысқартылады (әлеуметтік мекемелердегі қызметкерлерді қоспағанда).

Комментарий