Аймақ | Регион

“Бір-біріне жақын тұр”: Мектептегі жағдай ата-ананың жағасын ұстатты

Атыраудағы мектептердің бірінің әжетханасына кіріп көрген ата-ана жағасын ұстаған. Қалалық әкімдік түсініктеме берді

 Атыраудың “Балықшы” шағын ауданындағы Ломоносов атындағы орта мектептің әжетханасы ата-ананың ашуын келтірді.

Білім ордасындағы әжетханалар өзара бөлінбеген, деп хабарлады “Мой город” порталы.

“Мұнда менің балаларым білім алып жатыр. Жиналысқа келген едім. Содан мектептің жағдайын білейін десем, осындай жағдайды көрдім. Дәретхана бір-біріне жақын тұр. Олар бөлінбеген. Этиканы айтпағанның өзінде өте ыңғайсыз”, – дейді Николай есімді тұрғын.

Қалалық әкімдік бұл жағдайға қатысты түсініктеме беріп, биыл мұндай олқылықтар жойылатынын жеткізді.

“Кейбір мектептерде мұндай фактілер бар. Бұл бұрынғы жоба. Яғни ол бойынша тиісті жағдай қарастырылмаған. Биыл олқылықтар жойылады “, – дейді қала әкімінің орынбасары Ұлықбек Тінәлиев.

Қазақстандағы әжетхана дауы

Өткен жылдың 18 қарашасында Тараз мектебінің аумағында 7-сынып оқушысын зорлап кетті. Мектеп дәретханасы дұрыс жұмыс істемеген және бөтен адамға ешкім назар аудармаған. Ата-аналар бұл үшін мектеп басшылығын жазалауды талап етті.

Облыстық білім басқармасының жетекшісі, мектеп директоры мен сабақ кезінде дәретханаға жіберген мұғалім, кезекші мұғалім, вахтер мен оқу ісінің меңгерушісі қызметінен алынды.

Кейін зорлықшының бұрын ұрлық жасағаны үшін сотталған 38 жастағы тұрғын екені анықталды.

sputniknews.kz

Комментарий