Бүгін ЗК-169/1 тергеу изоляторының шаруашылық бөліміне қалдырылған сотталған азаматтары арасында ақпараттық сағат өтті.
Онда мекеме бастығының орынбасары , әділет майоры Қ.Олжабаев жазасын өтеушілерге президент Қасым-Жомарт Тоқаевтың «Жаңа Қазақстан: жаңару мен жаңғыру жолы» деген жолдауын қысқаша түсіндіріп, негізгі бағыттарына шолу жасады.
- Елді есеңгіретіп кеткен қаңтар оқиғасынан кейінгі президенттің кезекті жолдауы халыққа тың серпін берді. Жолдау он бағыттан тұрады. Оның ішінде, тікелей қылмыстық атқару жүйесіне қатысты Конститутутциялық сот құру мәселесі турасында айтылды.
Бұл бастама әділ әрі құқықтық мемлекет құру жолындағы маңызды қадам болады — деп, жеткізді сотталғандарға майор Қ.Олжабаев.
Мемлекет басшысының алдағы уақытта атқарылатын бұдан да басқа да, саяси реформаларымен танысқан қамаудағы азаматтардың, ел болашағының ертеңіне деген сенімі мен бостандыққа шығуға деген үміті артты.
