Ана мен бала сағынышы

№79 қылмыстық-атқару жүйесі мекемесінде сотталған азаматшаларға отбасы құндылықтарын дәріптеу мақсатында тағылымдық шара ұйымдастырылды. Арнайы бұйрыққа сәйкес балалар үйінде тәрбиеленіп жатқан бала туған күніне орай анасымен кездесті.
Бұл игі бастама – сотталған азаматшалардың қоғаммен байланысын сақтап, аналық мейірімін жоғалтпауына және тәрбиелік тұрғыдан оң бағыт алуына ықпал етуге бағытталған.
Кездесу барысында баласы туған күнін анасымен бірге атап өтіп, сағынышқа толы қуанышты сәттерге бөленді. Ана үшін бұл – ең қымбат сый, бала үшін – аналық махаббат пен қамқорлықты сезінудің айрықша мүмкіндігі болды.
Мекемеде мұндай іс-шаралардың өткізілуі сотталған азаматшалардың түзеу жолына түсуіне, отбасы құндылықтарының маңызын ұғынуына және қоғамға бейімделуіне үлкен септігін тигізеді.
Ана мен бала арасындағы байланысты сақтау – мемлекетіміздің гуманистік саясатының бір көрінісі.