«Қазгидромет» РМК 5 ақпанда еліміз қалаларында ауа сапасы қандай болатынын мәлім етті, деп хабарлайды ҚазАқпарат.
Синоптиктер болжамына сүйенсек, сенбі күні қолайсыз метеорологиялық жағдайлар Нұр-Сұлтан, Алматы, Қарағанды (1-дәрежелі), Павлодар (1-дәрежелі), Теміртау, Риддер (2-дәрежелі), Семей (2-дәрежелі) және Өскемен (2-дәрежелі) қалаларында күтіледі.
Өзге шаһарларда атмосфералық ауа сапасы норма шегінде болады.
Қолайсыз метеорологиялық жағдай — атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.
