Тек батыс және орталық Қазақстанда ауа-райы жауын-шашынсыз болады. «Қазгидромет» РМК 11-ақпанға арналған ауа-райы болжамын жасады, деп хабарлайды Zakon.kz.

Қазақстанның басым облыстарының кей жерлерінде қар жауады, тек батыс және орталық Қазақстанда жауын-шашынсыз ауа райы күтіледі. Республиканың кей жерлерінде тұман, көктайғақ, бұрқасын, желдің күшеюі күтілуде.

Алматы, Жамбыл, Түркістан облыстарының кей жерлерінде тұман, көктайғақ, желдің 15-22 м/с күшеюі күтіледі.

Шығыс Қазақстан, Ақмола, Солтүстік-Қазақстан облыстарының кей жерлерінде тұман, бұрқасын, Шығыс Қазақстан облысының кей жерлерінде желдің 15-20 м/с күшеюі күтіледі.

Қызылорда, Маңғыстау, Батыс Қазақстан, Атырау, Ақтөбе, Қостанай, Қарағанды облыстарының кей жерлерінде тұман, Қызылорда, Маңғыстау облыстарының кей жерлерінде көктайғақ күтіледі.