Орта салмақтағы WBO белбеуінің иегері британдық боксшы Билли Джо Сондерс (25-0, 12 КО) 16 желтоқсан күні Канадада Давид Лемьемен (38-3, 33 КО) өткізетін кездесуін кейін кіммен жекпе-жек өткізетінін шешті. 

Британдық боксшының айтуынша, Лемьемен өткізетін кездесуден кейін Сауль «Канело» Альварес (49-1-2, 34 КО) орта салмақтағы WBA (Super), IBO, WBC және IBF белбеуінің иегері қазақстандық Геннадий Головкинмен (37-0-1, 33 КО) екінші кездесу өткізуге келісе алмаса, мексикалық боксшымен кездескісі келеді.

«Лемьені жеңгеннен кейін мен «Канеломен» кездескім келеді. Ол әлемдік жұлдыз. Оны жеңсем, мені де көпшілік құрметтейтін болады. Оскар Де Ла Хойя (Альварестің промоутері) мен Фрэнк Уоррен (Сондрестің промоутері) Лемьемен кездесуден кейін, осы жекпе-жекті ұйымдастырса екен деймін.

Мен Канадаға Лемьені сабауға бара жатырмын. Сондықтан мен Лас-Вегас немесе Мексикаға барып, «Канеломен» кездесуге дайынмын. Әңгіме ақшада емес. Мен үлкен бокс кешінде өнер көрсеткім келеді.

Бірақ қазір басымдық Головкин мен «Канелода» Маусым айында мен Головкинмен кездесу үшін келісімшартқа қол қойып қойдым. Бірақ GGG өз мүмкіндігін жіберіп алды. Головкин менен қорықты деп айта алмаймын. Оның басты мақсаты — «Канеломен» кездесу болды. Егер олар келісімге келе алмаса, Канада жерінде Оскар Де Ла Хойяның мықты боксшыларының бірін жеңгенне кейін, «Канеломен» кездесуге мүмкіндігім жоғарылайды», — деп келтірелі Сондрестің сөзін BoxingScene.com порталы.

Айта кетейік, соңғы сұқбаттыраның бірінде Сондрес алдағы уақыттағы басты мақсаттарының бірі — Головкинмен кездесу екенін айтты. Қазіргі уақытта орта салмақтағы барлық белбеуді жинап алу үшін Головкинге тек WBO белбеуі ғана жетіспей тұр.

vesti.kz